«Ата Мекен» партиясынын кеңсесинде партиянын аймактык жана райондук жетекчилеринин жолугушуусу болуп өттү. Бул тууралуу партиянын Фейсбуктагы баракчасында маалымдалды.
Жолугушууга дээрлик бүт өлкө боюнча партиянын өкүлдөрү жана активисттери чогулушту. Катышуучулар пандемиядагы Кыргызстандын социалдык-экономикалык абалын, парламенттик шайлоонун алдындагы саясий кырдаалды жана «Ата Мекен» партиясын шайлоо жана үгүт иштеринин күн тартибин талкуулашты.
⠀
Активдүү жана узакка созулган талкуунун натыйжасында партиянын активи 3 маселени карады: Партиянын 2020-жылдагы парламенттик шайлоого катышуусун ырастоо, “Ата Мекен” желегинин астындагы демократиялык жана прогрессивдүү күчтөрдүн кеңири альянсын түзүүнү колдоо, партиянын жетекчилигине талапкерлердин тизмесин ачык түзүүнү жана ошондой эле аймактык уюмдарда партиялык тизмелерди талкуулоону тапшырып, аларды карап чыгууну буйруу.
⠀
Жолугушуунун жүрүшүндө партиянын активи "Ата Мекендин" учурдагы бийликтин саясатына карата оппозициялык багытын белгиледи.
Пикирлер (0)
Пикир жок. Сиз биринчилерден болушуңуз мүмкүн