"Айыл банк" 17 млн сомго банкомат сатып алуу үчүн тендер жарыялады

"Айыл банк" Ачык Акционердик коому 17 миллион сомго банкомат сатып алуу үчүн тендер жарыялады. Бул тууралуу жергиликтүү басылмалар билдирди.

Маалым болгондой, тендердин жалпы суммасы 17 миллион 387 миң 480 сомду түзөт. Ага жалпы баасы 15 миллион 290,8 миң сомдук 14 жаңы дубал аралык банкомат, ошондой эле ар биринин баасы бир миллион сомдон ашкан эки офистик банкомат сатып алуу кирет.

Мындан сырткары, банкоматтарды колдонуу жана сактоо мөөнөтү да каралган.