"Айыл банк" 28-30-апрелдеги кыргыз-тажик чек арасындагы куралдуу жаңжалда жабыркаган Баткендин тургундарынын жана ишкерлердин карызын кечет. Бул тууралуу "Айыл банк" ачык акционердик коомунун башкармалыгынын башчысы Уланбек Букабаев "Азаттык" үналгысына берген маегинде билдирди.
Анын айтымында, өкмөттүн токтомунда сунушталгандай, 28-апрелге чейин алынган насыялар кечилет.
"Баткендеги жаңжалдан жабыркаган ишкерлердин маселеси ар бири өзүнчө каралды. Айрымдары үйүнөн да ишинен да айрылышкан. Өкмөттүн сунушуна байланыштуу биз Улуттук банк менен сүйлөшүп, Баткендеги тургундар менен ишкерлердин насыясын кечүүнү чечтик",- деди Букабаев.
Пикирлер (0)
Пикир жок. Сиз биринчилерден болушуңуз мүмкүн