"Барселонанын" башкы машыктыруучусу Рональд Куман кызматынан бошотулду

Испаниянын "Барселона" клубу башкы машыктыруучу Рональд Куманды кызматынан бошотту. Бул тууралуу чет элдик спорт басылмалары билдирди.

Маалым болгондой, 27-октябрдагы "Райо Вальекано" "Барселона" беттешинде Куман жетектеген команда 0:1 эсебинде утулуп калды.

Бул оюндан кийин клубдун маалымат кызматы голландиялык машыктыруучу отставкага кеткенин жарыялады. 

Буга чейин "Барселона" өз талаасында "Реал Мадрид" клубуна 1:2 эсебинде жеңилип калган.

"Барселона" Испания чемпионатында 10-турдан кийин 9-орунда турат.