"Дордойдо" акча уурдаган шектүү кармалды

Дордой базарында акча уурдоого шектүү жаран кармалды. Бул тууралуу Бишкек ШИИБдин басма сөз кызматы кабарлады.

Окуя Дордой базарында орун алган. 24-декабрда болжол менен саат 4тө сатуучунун смартфону, 29-декабрда башка сатуучунун 20 миң доллары уурдалган.

Жабыркоочулар милицияга арыз менен кайрылган. Иш бирдиктүү реестрге катталып тергөө амалы башталган.

Свердлов РИИБдин кызматкерлери шектүүлөрдү кармады. Алар 1985-жылы туулган И.А. жана 1997-жылы туулган А.Ж. болуп чыккан.

Алар убактылуу кармоочу жайга киргизилген.