Бишкек шаарынын “Калыс-Ородо” жаңы конушундагы тургундарга “Кыргызпочтасы” мамлекеттик ишканасы пенсияларын таратып берди. Бул тууралуу шаардык мэриядан билдиришти.
Маалыматка ылайык, почта кызматкерлери милициянын участкалык бөлүмүнүн имаратында пенсионерлерди бирден кабыл алып, акчасын беришти. Алардын талабы боюнча жарандардын бары бет капчан жана кезек менен киргизилди. Коомдук тартипти 2 милиция кызматкери көзөмөлгө алышты.
Биринчи май районунун акими Алибек Биримкулов ар бир жумушчу күнү конушта жашоочулардын азык-түлүк менен камсыз болуусу жана гуманитардык жардамдарды таратуу иштерин көзөмөлдөп турушарын билдирди.
Пикирлер (1)