"Кыргыз темир жолу" ишканасы кызматтык 17 жаңы унаа сатып алды

"Кыргыз темир жолу" Улуттук компания" мамлекеттик ишканасы 17 жаңы унаа сатып алуу менен кызматтык унаа паркын жаңыртты.

Ишканадан билдиришкендей, бүгүн башкы директор Азамат Сакиев салтанаттуу түрдө ишкананын түзүмдүк бөлүмдөрүнүн жетекчилерине жаңы кызматтык автоунаалардын ачкычтарын тапшырды.

"Компаниянын кызматтык автопаркы 30 жылдан бери жаңыланбай, анын балансында дайыма оңдоону талап кылган жана коопсуздук талаптарына жооп бербеген унаалар бар. Узак убакыт бою компания үзгүлтүксүз оңдоо иштерине чоң чыгымдарга жана эскирген автопаркты кармап туруу үчүн күйүүчү майдын жогорку чыгымына дуушар болгон", — деп айтылат маалыматта.

Ведомстводор кошумчалашкандай, жаңы унааларды сатып алуу чыгымдарды оптималдаштырууга, жалпы натыйжалуулукту жогорулатууга жана ишкананын үзгүлтүксүз иштешин камсыз кылууга шарт түзөт. Кызматтык автоунаалардын паркын жаңылоо, оңдоого жана күйүүчү майга кеткен чыгымдарды бир топ кыскартат.