"Кыргызстандын жарымында электр жарыгы калыбына келтирилди",- Жапаров

Кыргызстандын 50 пайызы электр энергиясы менен камсыз кылынды. Бул тууралуу Министрлер кабинетинин төрагасы Акылбек Жапаров брифингде билдирди.

"Азыркы учурда Кыргызстанда электр энергиясы 50 пайыз калыбына келди. Калган аймактарда да электр энергиясын калыбына келтирүү иштери жүрүп жатат. Кечки саат  21:00гө чейин бардык аймактарда электр жарыгы болот",- деди Акылбек Жапаров.