Кумтөр алтын кенин казып алуу ишканасынын ишин текшерүү боюнча депутаттык комиссиянын макамы өзгөрдү. Мындай чечим бүгүн Жогорку Кеңештин жыйынында кабыл алынды.
Анын төрагасы Акылбек Жапаровдун айтымында, бул президенттин жана өкмөттүн аппаратынын адистерин комиссиянын ишине катышуу ниетин билдиргендигине байланыштуу болду, ошондуктан анын статусу эми жогору болуп, мамлекеттик комиссия болду. Комиссиянын макамын өзгөртүү үчүн 71 эл өкүлү добуш берди.
Депутат Умбеталы Кыдыралиев Акылбек Жапаровдун орун басары болуп шайланды.
Депутаттар буга чейинки парламенттик жана өкмөттүк комиссиялардын чечимдеринин аткарылышын текшерүүгө ниеттенүүдө.
Пикирлер (0)
Пикир жок. Сиз биринчилерден болушуңуз мүмкүн