«Манас» эл аралык аэропорту» ААКсы аэродромдук кызматтын орнитологиялык коопсуздугун камсыздоо тобуна (АК ОККТ) куштарды коркутуу үчүн Zon EL08 үлгүсүндөгү 3 жогорку кубаттуулукта добуш берүүчү замбиректерди сатып алды. Бул тууралуу аэропорттун басма сөз кызматы маалымдады.
Zon EL08 - бул толугу менен автоматташтырылган айбаттуу добуш берүүчү замбирек, атканда добушу 100 ... 130 дБ диапазонго чейин жетет.
Канаттууларды жана жаныбарларды коркутууда 2 гектарга чейинки аянтты камтый алат жана аэродромдордо коопсуздук камсыздоодогу эң натыйжалуу каражат болуп саналат.
«МЭА» ААКнын аэропортторунда орнитологиялык кырдаалга өзгөчө көңүл бөлүнөт, анткени канаттуулар менен кагылышуу учактарга чоң коркунуч келтириши мүмкүн.
Пикирлер (0)
Пикир жок. Сиз биринчилерден болушуңуз мүмкүн