Кыргыз-түрк "Манас" университети өлкөдө коронавирус инфекциясын жуктургандардын саны көбөйгөнүнө байланыштуу онлайн окутуу режимине өттү. Бул тууралуу маалымат университеттин социалдык тармактагы баракчасына жарыяланды.
"Кыргызстанда COVID-19 инфекциясына кабылгандардын санынын көбөйүшүнө байланыштуу университетибиз 2022-жылдын 11-январынан тарта аралыктан (онлайн) окуу режимине өтөт.
Эпидемиялогиялык кырдаал калыбына келгенге чейин бардык сабактар жана сынактар онлайн уланат.
Жатаканаларда жашаган кыргызстандык студенттерибиз үйлөрүнө жөнөтүлүп, башка өлкөлөрдөн келген бардык студенттерибиз тесттен өтүшөт. Тесттин жыйынтыгына жараша студенттер карантинге алынат",- деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн