"Москва" аскердик кемеси чөгүп кетти. Украина биз атып чөктүрдүк десе, РФ кемеде өрт чыкканын билдирди

14-апрель күнү Россия Федерациясынын Кара деңиздеги аскердик "Москва" кемеси чөгүп кетти. Бул маалыматты Россиянын Коргоо министрлиги тастыктады.

Россия Федерациясынын Коргоо министрлиги берген маалыматка ылайык,  крейсерде өрт чыгып, толкундан улам чөгүп кеткен. Кеменин экипажы куткарылганы айтылат.

Ал эми Украина тарап  "Москва" аскердик кемесин "Нептун" ракетасы менен аткандан кийин чөккөнүн билдирди.