"Тазалыктын" кызматкерлери иш таштап, жаңы жетекчиге нааразылык билдирүүдө

Бүгүн, 15-апрелде Бишкек шаарынын мэриясынын "Тазалык" муниципалдык ишканасынын кызматкерлери иш таштап, жумушка чыккан жок.

Алар жетекчиликке нааразылык билдирип, иш таштады.

Алардын айтымында, жетекчилик кызматкерлерге керектүү буюмдарды бербей жатат.

"Унаага дөңгөлөк керек болуп, акча сурасаң акча жок дейт. Шыпыргы жана күрөктөр керек десең дагы акча жок",- деди жумушчулардын бири.

Ал эми  жаңы дайындалган директордун 21 жаштагы орун басары 200дөй кызматкер мурдагы директордун каалоосу менен иш таштап жатканын айтты.