Бишкек шаарында алдамчылыкка шектүү делип, 56 жаштагы аял кармалды. Бул тууралуу Ош ШИИБдин басма сөз кызматы билдирди.
Маалыматка караганда, милицияга 11 арыз түшкөн. Алар "жолуңду ачып берем" деген аялга акча беришкенин билдиришкен.
"Ош шаарында ал кээ бирине өзүн Айчүрөк, кээ бирине Рахат деп тааныштырган. Өзүнүн кызматы үчүн 10 миң сомдон 300 миң сомго чейин алган. Кээ бир жабырлануучулр "жолун ачтыруу" үчүн ага алтын буюмдарын беришкен. Дагы бир арыздануучу насыяга алган акчасын бергенин билдирген. Шектүү аялдарга башкага кетип калган күйөөсүн кайтарып, бакытка жол ачып берерин убадалаган", - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн