Өткөн суткада 12 ак халатчандан коронавирус аныкталып, 27 медик айыкты

Бир сутка ичинде өлкө боюнча 12 медициналык кызматкер коронавирус жуктуруп алганы аныкталды. Бул тууралуу Республикалык ыкчам штабдан билдирди.

Жаңы учурлар:

• Бишкек шаарында – 2;
• Ош шаарында – 1;
• Баткен облусунда – 4;
• Ысык-Көл облусунда – 1;
• Чүй облусунда – 1;
• Ош облусунда – 3.

Ал эми бир суткада 9 медициналык кызматкер ооруканалардан айыгып чыгарылды. Мындан сырткары үй карантининен 18 медициналык кызматкер айыгып чыгарылды.

Жалпысынан республика боюнча COVID-19 диагнозу менен медициналык кызматкерлер арасында – 3018 учур катталды, алардын ичинен 2315 медкызматкер айыгып чыкты.