Өткөн суткада өлкө аймагында 18 өрт кырсыгы катталды

Соңку 24 саат аралыгында республика боюнча 18 өрт кырсыгы катталды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, Бишкек шаарында 6 өрт кырсыгы катталган. Калинин жана Көлбаев  көчөлөрүнүн кесилишинде, жалпы аянты 40 чарчы метр болгон кафе толугу менен күйгөн. Учурда өрттүн себеби такталууда.

Ошондой эле, Ош шаарында 2, Чүйдө 5, Ош облусунда 2, Жалал-Абад облусунда 2, Ысык-Көлдө 1 өрт кырсыгы катталган.