Өткөн жылы Кыргызстандын эл аралык резервинин көлөмү тарыхый жогору чекке жетип, 2,4 млрд АКШ долларын түздү. Бул тууралуу Улуттук банктын төрагасы Толкунбек Абдыгулов бүгүн, 15-июнда Жогорку Кеңештин Бюджет жана финансы боюнча комитетинин жыйынында билдирди.
Ал банктын ишмердүүлүгүнүн негизги параметрлерине токтолуп, анын ичинен акча-насыя саясатына жана каржылык-насыялык уюмдарды жөнгө салуу чөйрөлөрүнө тиешелүү абалды баяндады.
Талкуу маалында депутаттар коммерциялык банктардын ишмердүүлүгүнө тиешелүү маселелерди көтөрүшүп, андан тышкары COVID-19 пандемиясынан улам жаралган кырдаалга байланыштуу насыялык милдеттеме шарттарын жеңилдетүү менен кичи жана орто бизнести колдоо зарылчылыгын белгилешти.
Комитет мүчөлөрү да тактоочу суроолорду беришип, жыйынтыгында Улуттук банктын 2019-жылдагы ишмердүүлүгү тууралуу отчетко канаттандырарлык деген баа берүү менен Жогорку Кеңештин кароосуна жөнөтүштү.
Пикирлер (0)
Пикир жок. Сиз биринчилерден болушуңуз мүмкүн