Кыргыз-Өзбек чек арасындагы жаңжалдан каза болгондордун сөөгү кыргыз тарапка өткөрүлүп берилди. Бул тууралуу Чек ара кызматынын басма сөз кызматынан билдиришти.
УКМКнын Чек ара кызматынын маалымат жана коммуникация башкармалыгы 5-апрель саат 23.50гө карата мамлекеттик чек аранын кыргыз-өзбек тилкесиндеги кырдаал салыштырмалуу туруктуу деп мүнөздөлгөндүгүн маалымдады.
Аксы районунун Дейрес айылында Кыргыз жарандары менен Өзбекстандын Мамлекеттик коопсуздук кызматынын чек арачыларынын ортосунда орун алган чыр-чатактын натыйжасында УКМКнын Чек ара кызматы аткезчилик жүктөрдү ташууга катышкан жарандары издөө боюнча комплекстүү иш-чараларды жүргүзүп жатат. Жаңжалдан эки адам каза болгон.
Кыргыз мамлекети менен Өзбекстандын чек ара өкүлдөрүнүн макулдашуусуна ылайык "жүк 200" Кыргыз тарапка 2022-жылдын 5-апрели саат 23:46да "Маданият-авто жол" өткөрүү жайы аркылуу өткөрүлүп берилди.
Пикирлер (0)
Пикир жок. Сиз биринчилерден болушуңуз мүмкүн