Өзбекстан калктын 20 пайызын коронавируска каршы эмдөө үчүн 15 миллион доза вакцинаны буюрган. Бул тууралуу Өзбекстандын Санитардык-эпидемиология жана коомдук саламаттыкты сактоо кызматынын башчысынын орун басары Нурмат Атабеков билдирген.
«Жалпысынан 7 миллион адамды эки жолу эмдөөгө болжол менен 15 миллион доза вакцина жеткирилет. Алгачкы этапта 100 миң доза вакцина алып келип, 50 миңге жакын адамды эмдөөнү пландап жатабыз», - деди ал.
Калкты коронавируска каршы эмдөө үчүн кайсы вакцинага буйрук берилгени тактала элек.
Эске сала кетсек, өзбек өкмөтү коронавируска каршы вакцина сатып алуу үчүн 3 триллион сум бөлө турганын жарыялаган.
Булак: Centralasia
Пикирлер (0)
Пикир жок. Сиз биринчилерден болушуңуз мүмкүн