Өзбекстан Сох анклавын өнүктүрүү үчүн 1 триллон сум бөлөт. Бул тууралуу 3-июнда жакырчылыкты жоюу боюнча президент Шавкат Мирзиёев катышкан жыйында айтылды.
Сох районунун акиминин айтымында, аталган каражаттын бир бөлүгүнө Сохтун аба майданын жаңылоо ишке ашырылат. Ошондой эле Сох-Фергана ортосунда аба каттамы уюштурулат. “Азаттыктын” өзбек кызматы маалымдагандай, быйылкы жылы 101 млрд. сумга 73 долбоор ишке кирип, 4,5 миң жаңы жумуш орундары пайда болот. Ошондой эле өзбек банктары Сохтогу 82 долбоорду ишке ашыруу үчүн 153 млрд. сум жеңилдетилген насыя бөлөт. Ал эми Симодон, Касминон, Хушёр, Малбуд жана Варган айылдарында жер астынан суу чыгарылып, бош жаткан жерлер өздөштүрүлөт. Мындан сырткары Сохтогу 6 маданий жай жаңыланып, 3 эс алуучу борбор курулат.
Пикирлер (1)