Өзбекстанда аялы жолдошуна бир бөйрөгүн берип, өлүмдөн сактап калды

Өзбекстанда жакынкы күндөрү аялы күйөөсүнүн өмүрүн сактоо үчүн ага бир бөйрөгүн берди. Бул тууралуу өзбек маалымат булактары билдирди.

Маалыматка ылайык, акыркы жылдары аялдын күйөөсү бөйрөктүн жетишпестиги менен жабыркап келген. Акыркы мезгилде оорусу күч алып кеткендиктен дарыгерлер ага дароо операция жасатпаса сактап калуу кыйын болорун айтышкан.

Аялы жолдошу үчүн бир бөйрөгүн берүүгө макул болуп, операция жасаткан.

6 саатка созулган операциядан жубайлар ийгиликтүү чыккан.

Азыркы учурда эки бейтап дагы дарылануусун улантууда.