Өзбекстанда эки ай аралыгында Интернет жана байланыш түйүндөрүн карызы болгон күндө да өчүрүүгө тыюу салынат, деп жазылат 2020-жылы 23-мартта чыккан “Коронавирустук инфекциясынын жайылышын токтотуу боюнча кошумча чаралар жөнүндө” Өзбекстан өкмөтүнүн чыгарган токтомунда.
Министрлер кабинетинин басма сөз кызматы билдиргендей, Өзбекстанда Beeline, Ucell, Perfectum, Uzmobile, UMS байланыш операторлору бар жана Интернет таратуу кызматын да аткарат. Мындан тышкары Comnet, Evo, Sarkor Telecom, Turon Telecom, Uzonline жана башка интернет-провайдерлери бар.
Мурда маалымдалгандай, «НТВ-Плюс» оператору спутник жана онлайн-телекөрсөтүүлөргө акысыз жеткирүү мүмкүнчүлүгүн ачкан. Аны менен катар ivi жана Okko видеосервистери коронавирустун жайылып жатканына байланыштуу кабыл алынган карантинге ылайык уйүндө жаткан кардарларына акысыз байланыш жана интернет таратууну чечкен. Ошондой эле «Газпром-медиа» холдингинин алдындагы продюсердик компания жана студиялар өзүнүн орус тилдүү кардарларын бекер камсыз кылууга өтүшкөн.
Пикирлер (0)
Пикир жок. Сиз биринчилерден болушуңуз мүмкүн