Өзбекстанда бир катар кылмыштарды жасаган адам Кыргызстанда кармалды

Өз өлкөсүндө бир катар кылмыштарды жасаган өзбек жараны Кыргызстанда кармалды. Бул тууралуу УКМКнын басма сөз кызматынан билдиришти.

Маалыматка ылайык, 8-август күнү Өзбекстандын укук коргоо органдары тарабынан бир катар кылмыштарды жасагандыгы үчүн издөөдө жүргөн, 1973-жылы туулган А.Б. аттуу өзбек жараны кармалды. Шектүү УКМКнын тергөө камак жайына киргизилген.

Учурда Кыргызстандын Башкы прокуратурасы ага карата баш коргоо чарасын тандоо жана Өзбекстандын компетенттүү органдарына өткөрүп берүү маселелерин карап жатканы айтылат.

Белгилей кетсек, шектүү 1993-жылдагы үй-бүлөлүк жана кылмыш иши боюнча укуктук жардам жана укуктук мамилелер туралуу  Минск Конвенциясынын алкагында колго түшүрүлгөн.