Nike жана Adidas бут кийимдери Өзбекстанда чыгарылат. Инвестор катары "Sino International JV" ЖЧКсы жалпы суммасы 12 миллион долларлык келишим түзгөн. Бул тууралуу өзбек басылмалары жазды.
Завод 2021-жылдын 4-чейрегинде ишке киргизилип, 2022-жылдын 3-чейрегинде толук кубаттуулукта иштей баштайт. Мекеме жылына 3 миллион жуп спорттук бут кийим чыгарат деп күтүлүүдө.
Заводдун курулушу үчүн Андижан облусунун Асака районунан 1 гектар жер бөлүнүп берилген, ал жерге буга чейин шаймандар алынып келип орнотулган.
Даяр продуктунун 50% Борбор Азия өлкөлөрүнө, 30% эл аралык жарманкелерге катышуу аркылуу башка өлкөлөргө экспорттолот жана 20% ички рынокто сатылат деп күтүлүүдө.
Пикирлер (1)