Өзбекстанда эмдөөдөн өтүү милдеттендирилди

Өзбекстандын парламенти калктын көпчүлүк бөлүгүн эмдөөдөн өтүүгө милдеттендирген мыйзам долбоорун колдоду. Бул тууралуу өзбек басылмалары жазды.

Аталган мыйзам долбоору жумуш берүүчүлөргө мындан ары коронавируска каршы вакцина алуудан баш тарткан кызматкерлерди иштен четтетүүгө мүмкүндүк берет.

Вакцина алууга медициналык каршы көрсөтмөлөр жок болгон учурда эмделүүдөн баш тарткан жарандар иштей албайт. Эми бул документке президенттин гана кол коюусу күтүлүп жатат.