Өзбекстандын Наманган облусунда 10-августта ыйык Курандын колдо жазылган нускасын уурдаган жарандар колго түштү. Бул тууралуу өзбек басылмалары билдирди.
Ыйык Курандын уурдалган көчүрмөсү 1874-жылы жибектен жасалган. Узундугу 74 сантиметрди, туурасы 51 сантиметрди жана калыңдыгы 12 сантиметрди түзгөн китеп 426 барактан турат. Анын ар бир бетинде 13 саптан аяттар жазылган.
Куран китеп 1995-жылга чейин Кыргызстандын Өзгөн шаарында жашаган имам Эшонхан Окиловдун үйүндө сакталып келген. 1995-жылы намангандык Камолхан Мухиддинов аны Өзбекстанга алып барып, “Султон Увайс Караний” жайы оңдолгондон кийин 2019-жылдан бери ошол жерде сакталып турган.
Пикирлер (0)
Пикир жок. Сиз биринчилерден болушуңуз мүмкүн