Өзбекстанда орус тилине расмий макам берилеби?

Россиянын Ташкенттеги элчиси Владимир Тюрденев Өзбекстанда орус тилине расмий макам берүү маселесине пикирин билдирди. Ал маалымат жыйынында сүйлөп жатып бул маселени чечүү үчүн коом бышып жетилиши керектигин айтты.

“Бул маселе боюнча бир нерсе айтыш кыйын. Мындай маселе кандайдыр бир бөлүнүүчүлүккө алып келбеши керек. Кандай болгон күндө да орус тилине расмий макам берүүгө өзбек коому бышып жетилиши керек”, - деди ал.

Буга чейин айрым россиялык саясатчылар мамлекеттик каналда Өзбекстанда орус тилине расмий макам берүү зарылчылыгын айткан. Буга каршы чыккан, мындай пикирди сындагандар коңшу өлкөдө аз эмес.