Өзбекстанда төрөт үйү бейтап жана кызматкерлери менен кошо карантинге жабылды

Өзбекстанда №6 төрөт үйү бейтап жана кызматкерлери менен карантинге жабылды. Бул тууралуу коңшу өлкөнүн басылмалары жазып чыкты.

Маалыматка ылайык, Ташкент шаарындагы төрөт үйү 2 жума изоляцияга 5-апрелде жабылган.  Мекемеден билдиргендей көз жарган айымдардын бири коронавируска чалдыккан адам менен карым-катнашта болгон.

Ал эми, 14 күндүк карантинде эч ким илдетке чалдыкпаса гана ачылары айтылды.

Эске салсак, Өзбекстанда коронавирус илдетин жуктургандар 555 адамга жетти. COVID-19 пандемиясынан улам 16-марттан тарта бул өлкө бардык чек араларын жапкан. 27-марттан баштап аймактар аралык каттамдарды токтотсо, 30-марттан 20-апрелге чейин баардык эл аралык аба каттамдарын токтоткон.