Президент Сооронбай Жээнбеков менен Өзбекстандын президентинин ортосунда жетишилген макулдашуулардын алкагында Кыргызстанга кезектеги гуманитардык жүк келди. Бул тууралуу Өкмөттүн басма сөз кызматынан билдирди.
Маалыматка ылайык, гуманитардык жүк өзүнө 50 комплект кычкылтектин мобилдик концентратын жана 100 даана инвазивдүү эмес өпкөнү жасалма дем алдыруу аппаратын камтыйт.
Жалпы салмагы 8 тонна болгон гуманитардык жүк авиакаттам аркылуу бардык санитардык-эпидемиологиялык талаптарды аткаруу менен жеткирилген.
Кыргызстандын Өкмөтү коңшу өлкөнүн Өкмөтүнө көрсөтүлгөн көмөгү үчүн жана бир тууган өзбек элине колдоо көрсөтүүсү үчүн терең ыраазычылык билдирет.
Пикирлер (0)
Пикир жок. Сиз биринчилерден болушуңуз мүмкүн