Өзбекстан менен Кыргызстан жаңы автозаводдун ордунда өзбек унааларын чыгара турган жерди чечишти. Бул тууралуу Өзбекстандын ЖМКлары КР экономика жана коммерция министри Данияр Амангелдиевге шилтеме берүү менен билдирди.
Анын айтымында, ишкана Чүй облусунун Сокулук районунда жайгашат.
«Азыр Өзбекстандын автоунааларын Кыргызстанда SKD чогултуу долбоору каралып жатат. Кеп ишканага салык салуу жана ага жеңилдиктерди берүү жөнүндө болуп жатат. Биз ЕАЭБге мүчө болгонубузга байланыштуу бул процессти бир аз татаалдаштырат, анткени бул маселе боюнча дагы эле уюмдун башка өлкөлөрү менен макулдашууга туура келет. Ишкананын жайгашкан жери буга чейин аныкталган. Бул Чүй облусунун Сокулук району болот. Ишке киргизүүнүн так датасы жок болсо да, сүйлөшүүлөрдүн активдүү процесси жүрүп жатат», — деди Данияр Амангелдиев.
Буга чейин “Узавтосаноат” өкүлдөрү Кыргызстан өндүрүштү кеңейтүү үчүн приоритеттүү рыноктордун бири экенин, анткени Кытай-Кыргызстан-Өзбекстан жол коридору тетиктерди жеткирүү убактысын кыскартып, унааларды чогултуу арзаныраак болушу мүмкүн экенин билдиришкен. Өзбекстандын ММКлары билдиргендей, Кыргызстанда чогултулган биринчи модель Nexia R3 болот.
Пикирлер (0)
Пикир жок. Сиз биринчилерден болушуңуз мүмкүн