Өзбекстандын мамлекеттик карызы бир жылда 5 млрд долларга өстү

Өзбекстандын мамлекеттик карызы 2021-жылдын 1-январына карата 23,3 миллиард АКШ долларын же ИДПнын 40,4 пайызын түздү. Бул тууралуу өлкөнүн Каржы министрлигине таянып жергиликтүү басылмалар жазды.

Мамлекеттик тышкы карыз 34,4 пайызга - 21,1 миллиард долларга чейин (ИДПга карата 36,5 пайыз) чейин көбөйгөн. Анын ичинен 15,1 миллиард доллар (71,4 пайыз) өкмөттүн атынан көтөрүлгөн карыз, 6 миллиард доллар (28,6 пайыз) Өзбекстан тарабынан кепилденген.

Ички карыз 5,4 пайызга көбөйүп, 2,2 миллиард долларды түздү (ИДПга карата 3,9 пайыз). Анын ичинен 0,4 миллиард доллар - мамлекеттик баалуу кагаздар, 1,8 миллиард доллар мамлекет кепилдеген ички карыз.

2020-жылы тышкы карыздарды тартуу боюнча жаңы кол коюлган келишимдердин көлөмү белгиленген 5,5 миллиард доллар (5,35 миллиард доллар) чегинде болсо, 2021-жылы 5 миллиард доллар чеги белгиленген.

Өзбекстандын мамлекеттик карызы 2020-жылдын 1-январына карата 17,8 миллиард долларды түзгөн же ИДПнын 30,8 пайызын түзгөн.