Өзбекстандын өкмөт өкүлдөрү вертолёт менен Сохко барды

Өзбекстандын премьер-министри Абдулла Ариповдун тапшырмасы менен өкмөт өкүлдөрү Сохко барды. Бул тууралуу “Газета.uz” маалымдады.

Анда айтылгандай, Сох анклавына тик учак менен барган чиновниктердин арасында премьер-министрдин биринчи орунбасары Очилбой Раматов да бар.

“Сохко премьер-министрдин биринчи орунбасары Очилбой Раматов, агрардык саясат жана тамак-аш боюнча орун басары Уктам Барнаев, социалдык өнүгүү боюнча орунбасары Бехзод Мусаев, өкмөт башчынын дагы бир орун басары Сардор Умрзаков, билим берүү министри Шерзод Шерматов, айыл-чарба министри Жамшид Хужаев, спорт министри Дилмурод Набиев жана башкалар барды”, - деп айтылат аталган маалыматта.

Маалым болгондой, Өзбекстан Сохтогу абалды жакшыртуу жана ал жердеги жашоо-шартты оңдоо үчүн атайын программа иштеп чыккан.