Өзгөчө абал ыңгайсыздык жаратты, бирок ушундай чаралар менен гана коронавирусту жеңе алабыз. Мындай пикирин Бишкек шаарынын мэри Азиз Суракматов бүгүн, 7-апрелде маалымат жыйында билдирди.
Анын айтымында, өзгөчө абал режими шаар тургундарынын жашоосуна өзгөрүү алып келди. Бизнес жана кызматкерлер үчүн ыӊгайсыздык жана айрым көйгөйлөрдү жаратты. Бирок бул чаралар COVID-19 инфекциясынын жайылуу коркунучуна каршы күрөшүүгө багытталган.
“Бишкек шаары эки жумадан бери өзгөчө абал режиминде. Бул биздин калктын ден соолугун коргоо үчүн туура чечим болду. Ушундай жол менен гана көзөмөлдөө кыйын болгон коронавирусту жоё алабыз”, - деди мэр.
Пикирлер (0)
Пикир жок. Сиз биринчилерден болушуңуз мүмкүн