Өзгөчө абал режимин 10-майга чейин узартууну депутаттар колдоду

Жогорку Кеңештин депутаттары кезексиз жыйынында Кыргызстандын айрым аймактарында 10-майга чейин өзгөчө абал режимин узартууну колдошту.

Эске салсак, 28-апрелде президент Сооронбай Жээнбеков Бишкек, Ош, Жалал-Абад шаарларында жана Нарын облусунун Ат-Башы районунда өзгөчө абал режимин узартуу боюнча Жарлыка кол койгон. Мындан соң документ парламенттин кароосуна жөнөтүлгөн.

Ал эми Жогорку Кеңештин 109 депутаты макул деген добушун берип, каршы чыккандар болгон жок.