Бишкекте өзгөчө абал киргенден бери 38 жол кырсыгы катталды

Өзгөчө абал кирген учурдан тарта Бишкек шаарында 38 жол кырсыгы катталган. Бул тууралуу Ички иштер министринин орун басары жана Бишкек шаарынын комендантты Алмазбек Орозалиев айтты.

Коменданттын айтуусуна караганда “Коопсуз шаар” иштеп жатат.

“Бишкек шаарында өзгөчө абал режими киргенине карабай “Коопсуз шаар” иштеп жатат. Шаардын ичинде жол тыгындары жок, андыктан автоунаа менен жүргөндөрдү эч кайда шашпоого чакырам. Ал эми өзгөчө абал киргенден бери Бишкек шаарында 38 жол кырсыгы катталды”, - деди Орозалиев.

Мындан сырткары, коопсуздук кызматкерлери коюлган орундарында жок болсо кызуу линия аркылуу кабарлап коюну өтүндү.