Бишкек шаарында өзгөчө абал учурундагы журналисттердин ишин чектеген чечим Жогорку Кеңеште сынга кабылды.
Бүгүн, 1-апрелде парламенттин жыйынында сүйлөп жатып депутат Садык Шер-Нияз вице-премьер-министр Эркин Асрандиевден эмне үчүн журналисттердин укугу чектелип жатканын сурады.
«Эмне үчүн журналисттер ошол тизмеге кирбей калган? Эмне үчүн ал тизмеде мамлекеттик жалпыга маалымдоо каражаттары гана болуш керек? Бүткүл дүйнө жүзү маалымат ачык болгону үчүн Кытайдагыны укту, күрөшүп жатат. Эмне үчүн дүйнөдөгү тажрыйба Кыргызстанда болбошу керек?» - деди депутат.
Мындан сырткары эл өкүлү парламенттин айрым мүчөлөрү да блокпосттон өтө албай, жумушка айланып келгенин белгилеп, жөнөкөй журналисттер жөн эле тепсендиде калып жатканын айтты.
Ал эми Эркин Асрандиев депутатка бул маселе комендатурада каралып жатканын айтып жооп берди.
Пикирлер (0)
Пикир жок. Сиз биринчилерден болушуңуз мүмкүн