Эгерде өзгөчө абал бир айдан ашык убакытка созулуп кете турган болсо, өкмөт калктын социалдык аярлуу катмарына азык-түлүктөн жардам берүү планын иштеп чыгат.
Вице-премьер-министр Эркин Асрандиев бүгүн, 26-мартта маалымат жыйында билдиргендей, эгерде өзгөчө абалдын убактысы дагы өзгөрө турган болсо өкмөт бул маселени караштырат.
“Албетте, кары-картаңдарга, ден соолугунан мүмкүнчүлүгү чектелген
жарандарга, аз камсыз болгон үй-бүлөлөргө, муктаж жарандарга азык-түлүк
продукцияларынан жана дары-дармек боюнча акысыз жардам берүүнү караштырат”, - деди Э.Асрандиев.
Белгилей кетсек, Жогорку Кеңештин депутаты Дастанбек Бекешев өзүнүн социалдык баракчалары аркылуу өкмөт муктаж болгон жарандарга азык-түлүктөрдү акысыз алуу боюнча карточка иштеп чыгышы керектигин сунуштаган.
Пикирлер (0)
Пикир жок. Сиз биринчилерден болушуңуз мүмкүн