Өзгөндө 12 жаштагы кыз зордукталды

Өзгөн шаарында 12 жаштагы кыз зордукталганы айтылууда. Аймактык кабарчыга белгилүү болгондой, окуя 23-июль күнү катталган.

Бул окуяны Өзгөн райондук прокуратурасы тастыктап, 12 жаштагы кызга байланыштуу окуя Өзгөн РИИБи тарабынан Кылмыштардын жана жоруктардын бирдиктүү реестрине Жазык кодексинин 162-беренеси (сексуалдык мүнөздөгү зомбулук аракеттер) менен катталып, сотко чейинки өндүрүшкө алынганын билдирди. Ошондой эле жабырлануучуга карата тиешелүү экспертизалар дайындалган.

Шектүү эки айга убактылуу кармоочу жайга камакка алынып, учурда Өзгөн РИИБ тарабынан тергөө иштери жүрүп жатат.

Булак: "Турмуш"