Өзгөндө 25 жаштагы жаранды уруп, денесине бычак менен жараат келтирген 3 жаран кармалды

Өзгөндө кылмышка шектүү 3 жаранды кармоо боюнча атайын иш чара жүргүзүлдү. Бул тууралуу Ош облустук ички иштер башкармалыгынын маалымат кызматы билдирет.

2022 -жылдын 5-августь күнү Өзгөн райондук ички иштер бөлүмүнүн жана КРнын ИИМнин Кылмыш иликтөө башкы башкармалыгынын кызматкерлери тарабынан Өзгөн шаарынын Ленин көчөсүндө 25 жаштагы М. уулу Н уруп, бычак менен денесине жарат келтиргендиги үчүн Өзгөн шаарынын жашоочулары 30 жаштагы Х. Ш жана 29 жаштагы З. Ш.,27 жаштагы М. угли Х кармоо боюнча атайын ыкчам иш аракеттер өткөрүлгөн. Иш чаранын натыйжасында жогоруда аты аталган жарандар кылмышка шектүү катары кармалышкан.

Маалыматка караганда, 2022-жылдын 3-июнь күнү саат 03:54 чамасында Өзгөн шаарынын Ленин көчөсүнүн 1997-жылы төрөлгөн тургуну М. уулу Н денесинен жараат алып Өзгөн аймактык ооруканасына кайрылгандыгы жөнүндө райондук бейтапканадан Өзгөн РИИБдин Нөөмөт бөлүмүнө маалымат келип түшкөн.

Бул жагдай боюнча, 2022-жылдын 3-июнунда, Өзгөн РИИБдин кылмыштардын бирдиктүү реестринин маалыматтарды каттоо журналына катталып, сотко чейинки өндүрүш иши башталган. 2022-жылдын 3-июнунда Өзгөн райондук ооруканасынын сынык-жараат бөлүмүнө кайрылган М. уулу Н денесинен алган жараатын аныктоо максатында, 2022-жылдын 3-июнунда соттук-медициналык экспертизасы дайындалып, 2022-жылдын 07-июнундагы №102 сандуу корутундусуна ылайык, М. уулу Н башынан жабык түрдөгү жараат алгандыгы, ал эми, оң бутунан алган сынык жарааты анча оор эмес жарааттардын катарына кирээри маалым болуп, 2022-жылдын 24-июнунда Кыргыз Республикасынын Кылмыш-жаза кодексинин 131-беренесинин 3-бөлүмүнүн 2-пунктунда каралган кылмыштын курамынын негизинде кылмыш иши козголуп, тергөө амалдары башталган.Тергөөнүн жүрүшүндө, жогорудагы факты боюнча денесинен жараат алган М. уулу Н денесине жараат келтирген атуулдардын өздүгү такталып, ал атуулдар кылмыштуу кыймыл аракеттери менен Кыргыз Республикасынын КЖКнин 131-беренесинин 3-бөлүмүнүн 2-пунктунда каралган кылмыш ишин жасагандыгы үчүн кармалышып, кылмышка шектүү катары убактылуу кармоочу жайга киргизилди. Учурда тергөө иштери уланууда. Ош ОИИБдин басма сөз кызматы