Өзгөн районунда 25-апрелде Кемпир-Абад суу сактагычын Өзбекстанга бербөө үчүн өткөн митингде журналистке болгон кол салуу боюнча кылмыш иши козголду. Бул тууралуу Ош облустук милициясынын басма сөз катчысы 24.кг агенттигине билдирген.
Анын айтымында, бейбаштык беренеси боюнча иш козголгон.
"Митинг учурунда бир нече адам журналистке кол салышты. Алар милициянын курчоосунан чыгып, медиа кызматкерге кол салгандагы учур видеого түшкөн. Арыз жок болсо дагы, процессти факты болгондон кийин жүргүзүшүбүз керек. Ошондуктан, бир нече митингчилер суракка чакырылды", - деди Жеңишбек Аширбаев.
Митингдин катышуучуларынын айтымында, мөөнөтсүз митингдин активдүү катышуучулары Өзгөн РИИБине суракка чакырылышты.
Пикирлер (1)