16-январда кармалган журналисттер Жаза аткаруу кызматына караштуу №1 тергөө абагына (СИЗО-1) бүгүн, 29-январда которулду. Бул тууралуу жактоочулардын бири Нурсултан Жаныбеков "Азаттыкка" билдирген. Маалыматты Жаза аткаруу кызматы дагы ырастады.
Буга чейин Кыйноолордун алдын алуу боюнча улуттук борбор Ички иштер министрлигине кайрылып, 13 күндөн бери милициясынын убактылуу кармоочу жайында кармалып турган 11 журналистти тергөө абагына которуу маселесин тезинен чечүүгө чакырган.
Эске салсак, 17-январда Бишкектин Биринчи Май райондук соту аларды 13-мартка чейин Бишкектин №1 тергөө абагына камоо чечимин чыгарган. Соттун бул чечимине каршы адвокаттардын аппеляциялык арызы Бишкек шаарында 1-февралдан тарат карала баштайт.
Пикирлер (0)
Пикир жок. Сиз биринчилерден болушуңуз мүмкүн