2024-жылы 2 автомобиль заводу ишке кирет. Бул тууралуу 27-февралда «Агродиалог-2024» форумунда министрлер кабинетинин төрагасы Акылбек Жапаров билдирди.
Министрлер кабинетинин башчысынын айтымында, быйыл өзбек-кыргыз жана кытай-кыргыз автозаводдорун ишке киргизүү пландалууда.
«31-августка чейин Кытай Эл Республикасы менен биргеликте электромобилдерди чыгаруучу заводду, 1-майда кыргыз-өзбек автомобиль заводун ишке киргизебиз», - деп түшүндүрдү ал.
А.Жапаров кошумчалагандай, Кыргызстан дүйнөлүк автомобиль өндүрүшүнүн чынжырына кириши керек.
«Мына, «Фольксваген Гольф» унаасы бар, 1 унааны чыгарууга көптөгөн мамлекеттер тартылган. Бул машинага жок дегенде 1 фара же күзгү чыгарсак, анда бул ийгилик. Биз бул глобалдык чынжырга киришибиз керек», - деди ал.
Пикирлер (0)
Пикир жок. Сиз биринчилерден болушуңуз мүмкүн