АКШнын Аризона штатындагы Гранд-Каньонго жакын жерде 50дөн ашык туристти ташыган автобус оодарылып, бир адам каза болуп, сегизи оор жаракат алганын жергиликтүү полиция өз сайтында билдирди.
"Куткаруу кызматтары Батыш Гранд-Каньон аймагында автобус оодарылып кеткени тууралуу кабар алышкан. Сегиз адам тик учак менен жакын жердеги ооруканаларга жеткирилди. Бир адамдын каза болгону тастыкталды", — деп айтылат полициянын билдирүүсүндө.
Дагы бир нече адам оор эмес жаракаттарды алып, тез жардам менен ооруканаларга жеткирилгени белгиленди.
Учурда кырсыктын чоо-жайы такталууда. Милициянын маалыматы боюнча, кырсык тууралуу билдирүүгө 10 тез жардам кызматы келген.
Пикирлер (0)
Пикир жок. Сиз биринчилерден болушуңуз мүмкүн