Жогорку Кеңештин депутаты, "Бүтүн Кыргызстан" партиясынын лидери Адахан Мадумаровдун кыргыз-тажик чек арасы боюнча кол койгон протоколу тууралуу тергөө иши аяктады. Бул тууралуу Мадумаров бүгүн, 25-январда Башкы прокуратурага сурак берип чыккандан кийин билдирди.
"Тергөө иштери бүттү деди. Эми качан келеримди телефон аркылуу байланышып айтышат.
Мени колдоп келген баарыңыздарга ыраазычылык билдирем",- деди депутат Мадумаров.
Эскерте кетсек, Мадумаров кыргыз-тажик чек арасы боюнча 2009-жылы кол койгон протоколу боюнча Башкы прокуратурага 7 жолу сурак берди.
Пикирлер (4)