Акылбек Жапаров Дубайга иш сапары менен келди

Кыргыз Республикасынын Министрлер Кабинетинин Төрагасы Акылбек Жапаров «EXPO 2020» көргөзмөсүнүн алкагында Кыргыз Республикасынын Улуттук күнүнө арналган иш-чарага катышуу үчүн Дубай шаарына (Бириккен Араб Эмираты) келди. Бул тууралуу Министрлер кабинетинин басма сөз кызматы билдирди.

Сапардын жүрүшүндө бир катар эки тараптуу жолугушуулар өтөт.

Ошондой эле министрлер кабинетинин башчысы Дубай шаарындагы «EXPO 2020» көргөзмөсүнүн алкагында Кыргыз Республикасынын Улуттук күнүнө арналган иш-чарага катышып, ошондой эле Дубай шаарындагы «Dubai Smart City» жана шаарларды туруктуу өнүктүрүү концепциясына негизделген технологиялык экошаардын долбоору саналган Абу-Даби шаарындагы «Masdar City» менен таанышат.