Бүгүн, 10-мартта саламаттыкты сактоо министри Алымкадыр Бейшеналиев №2 Бишкек шаардык клиникалык ооруканасына барды.
Иш-чара калкты медициналык тейлөөнүн сапаты менен тааныштыруу, ошондой эле мурда Исманкулов атындагы көздүн микрохирургиясы клиникасы жайгашкан оорукананын имаратын пайдаланууга берилиши менен тааныштыруу пландалган. Бейшеналиев көздүн микрохирургиясы клиникасынын жетекчиси Алмазбек Исманкулов менен телефон аркылуу байланышып, 3 сааттын ичинде клиниканы бошотуп коюуну айтты.
"Сен 24 жылдан бери кыргыз элин алдап келесиң. Мен сага буга чейин эскерткем, сен суранганың үчүн 10 күн убакыт бергем. Кайра артка жылдырып жатасың. Эгер 3 сааттын ичинде клиниканы бошотпосоң, өкүнүп каласың. Сенде көйгөйлөр жаралат. Азыр өзүмдүн кароолчуларымды коюп кетем. Эч ким кире албайт", - деген министр.
Пикирлер (0)
Пикир жок. Сиз биринчилерден болушуңуз мүмкүн