Алымкадыр Бейшеналиев президенттен 5 жетекчини кызматтан алууну сунуштады

Саламаттыкты сактоо министри Алымкадыр Бейшеналиев президент Садыр Жапаровдон министрликтеги беш жетекчини кызматтан алууну сунуштады. Бул тууралуу АКИпресс агенттиги кабарлады.

Маалым болгондой, Алымкадыр Бейшеналиев төмөнкү жетекчилерди кызматтан бошотууну сунуштаган.

- Саламаттыкты сактоо министринин орун басары Жалалидин Рахматуллаев;

- Саламаттыкты сактоо министринин орун басары Улук-Бек Бектурганов;

- Саламаттыкты сактоо министринин орун басары Жапаркул Ташиев;

- Дары-дармек жана медициналык департаментинин директору Нурдин Кагаздиев;

- Улуттук фтизиатрия борборунун директору Мадамин Каратаев.

Эске салсак, аты аталган жетекчилер Алымкадыр Бейшеналиев Германияга иш сапары менен кеткен учурда анын отставкасын талап кылган.