Бүгүн, 7-февралда Саламаттыкты сактоо министри Алымкадыр Бейшеналиев "Биринчи радионун" эфиринде Талас облусунун тургундарынан кечирим сурады.
Анын айтымында, интернетке тараган видеодо министрдин таластыктар тууралуу айткан пикири толук чагылдырылган эмес.
"Бишкек Травматология жана Ортопедия улуттук илим изилдөө борборунун дарыгерлери менен жолугушуу учурунда таластыктар тууралуу айткан сөзүм толук чагылдырылган эмес. Ал жерде жалаң башчылыктарга Жумабековдун жердештери, туугандары отуруп алган. Сөзүм бир жактуу болуп тарагандыктан мен Талас элинен кечирим сурайм",- деди министр.
Мындан сырткары, ал Травматология жана Ортопедия улуттук илим изилдөө борборун реформалоодо элге пайда болорун кошумчалады.
Пикирлер (0)
Пикир жок. Сиз биринчилерден болушуңуз мүмкүн