Алматыдагы башаламандыкта бир кыргыз жараны каза болду

Кыргызстандын Казакстандагы элчиси Дастан Дүйшекеев Алматыдагы башаламандыктан бир кыргызстандык каза болгонун кабарлады. 

"Алматыда фитнес-машыктыруучу болуп иштеген бир кыргызстандык жаран каза тапты. Анын тек-жайын аныктоо, сөөгүн алып келүү боюнча элчиликтин кызматкерлери иштеп жатат", - деди ал. 

Элчи Дүйшекеевдин айтымында, Казакстандын күч түзүмдөрү соңку окуялардан Кыргызстандын канча жараны кармалганы тууралуу расмий маалымат бере элек. Тышкы иштер министрлиги Кыргызстандын атуулдарына жардам берүү үчүн атайын ыкчам байланыш номурларын уюштурган. 

Булак: "Азаттык" үналгысы