Президенттин Ысык-Көл облусундагы ыйгарым укуктуу өкүлү Алтынбек Сулайманов Билим берүү министрлигинин орто мектептерде пионер кыймылынын 100 жылдыгын белгилөө боюнча тапшырма бергенин айыптап чыкты.
"Эркин жана эгемен Кыргызстанга таандык, өнүгүүгө жана өсүүгө умтулган жаңы, заманбап улуттук идеологияны түптөп, даңазалагандын ордуна эскиге таандык, улуттук баалуулуктарды четке каккан, коомду артка тарткан коммунисттик түшүнүктүн пайдубалы болгон пионердик кыймылды жандантканга аракет кылган Билим берүү министрлигинин бул демилгесин толук айыптайм. Мен да учурунда пионер болгом, бирок ал мезгил өттү, азыр биз улуу муун жаш муундун башын айлантканды коюп, жаштарга заманбап, эркин, өнүккөн Кыргызстан курууга керектүү билимди берип, жолтоо болбогонду үйрөнүшүбүз керек. Жаңы технологиялар заманында, ааламдашуу доорунда артка кылчактап, караңгылыкка кадам таштабайлы",- деди Алтынбек Сулайманов.
Пикирлер (0)
Пикир жок. Сиз биринчилерден болушуңуз мүмкүн